نكت مغربية 1

سول الأستاذ واحد التلميد: باش كتحلم؟

قال ليه الدري: كنحلم نشد 10000 درهم ف الشهر بحال الوالد.

قال ليه الأستاذ: علاش باك كيشدهم؟

قال ليه الدري: لا، حتى هو غير كيحلم.

هادا واحد الراجل طلق مرتو، وقال ليه القاضي: غادي تبقى تعطيها النص ديال المانضة.

ناض السيد كيضحك. سولو القاضي: مالك؟

قال ليه: كانت كتديها كاملة

واحد مبوق داز حدا باه ف الزنقة وميك عليه.

مشى عندو باه قال ليه: مالك ما شفتينيش؟

قال ليه المبوق: لا شفتك، غير ما عرفتش فين

نكت مغربية 1 Image399

هادي واحد المعلمة قالت لواحد التلميدة: صرفي الفعل مشى في المضارع.

قالت ليها التلميدة بشوية: أنا... أمشي... أنت... تمشي...

قالت ليها المعلمة: طلقي راسك شوية.

قالت ليها التلميدة: أنا أجري، أنت تجري...

نكت مغربية 1 Image399

هادو جوج دراري كانوا مدابزين ف القسم.

جا الأستاد لقاهم ف ديك الحالة وسولهم: مالكم على هاد الصداع؟

قالوا ليه: لقينا 100 درهم، واتفقنا اللي قال أكبر كدبة ياخدها.

قال ليهم الأستاد: ما حشمتوش؟ أنا ملي كنت قدكم ڭاع ما كنت كنعرف أشنا هو الكدوب.

وهوما نيت يعطيوه دوك الدراري 100 درهم

نكت مغربية 1 Image399

هادا واحد الولد ما مشاش للمدرسة. كان جدو كيطل من الشرجم، وبان ليه المعلم جاي لعندهوم للدار، وهو يمشي يجري عند الدري قال

ليه: تخبى تخبى، المعلم جا يسول عليك.

وهو يقول ليه الدري: وا تخبى نتا أجدي، راه قلت ليه جدي مات وجا يعزينا فيك.

نكت مغربية 1 Image399

هادي واحد المرا خوافة، كل ليلة كتفيق راجلها وكتقول ليه: ناري سمعت شي حس، راه كاين شفار ف الدار.

كل ليلة على هاد الحال، وراجلها عيا.

واحد النهار قال ليها: يا لالة راه الشفار إيلا بغى يشفر، ڭاع ما كيدير الحس.

الغد ليه ف الليل، فيقاتو المرا وقالت ليه: ناري ما سامعة حتى حس ف الدار!
نكت مغربية 1 Image399

هادا واحد الزقرام حط الليمون ياكلو.

حل الأولى، لقاها خامجة ولاحها.

حل التانية، لقاها خامجة ولاحها.

وهو يطفي الضو وحل التالتة دغية وسرطها بلا ما يشوف فيها
نكت مغربية 1 Image399

المرا: أشنو وقع؟

الراجل جوابها من الحمام: والو، غير القميجة طاحت.

المرا: ولكن داكشي اللي سمعت تقيل.

الراجل: اه، حيت كنت ف القميجة
نكت مغربية 1 Image399

مبوق وقف مورا واحد مكلخ ف الڭيشي.

شوية بدا المبوق كيضحك.

سولو المكلخ: علاش كضحك؟

قال ليه المبوق: عرفت الكود ديالك.

قال ليه المكلخ: أشنو هو يالاه؟

قال ليه المبوق: نجمة، نجمة، نجمة، نجمة.

شبع فيه المكلخ ضحك وقال ليه: غلط، الكود ديالي هو 4011

نكت مغربية 1 Image399

واحد قال لصاحبو: سلفني 500 درهم الله يرحم بيها الواليدين.

قال ليه صاحبو: 200 درهم اللي عندي.

قال ليه لاخور: ماشي مشكل، عطيها ليا ونبقى نسالك 300 درهم
نكت مغربية 1 Image399

قالوا ليه : نوض تخدم

قال ليهم : علاش؟

قالوا ليه : باش دير الدار

قال ليهم : علاش؟

قالوا ليه : باش تزوج

قال ليهم : علاش؟

قالوا ليه : باش دير وليدات

قال ليهم :علاش؟

قالوا ليه : باش يخدموا عليك

قال ليهم :علاش؟

قالوا ليه : باش ترتاح

قال ليهم : راني هاكا مرتاح، علاش ندور هاد الدورة كاملة؟
نكت مغربية 1 Image399

هادا واحد المكلخ ساقط أربع سنين فالتحضيري.

جا عندو المدير، قال ليه: واش نتا غادي تبقى غي لاصق ليا ف هاد المدرسة؟

ناض الدري كعا، هز شكارتو وخرج. قال ليهم: لهلا يداوي بوكم.

كان معول يولي طبيب.

نكت مغربية 1 Image399

جوج رجال تلاقاو ف القهوة.

الأول سول التاني: مجوج؟

قال ليه: اه، مجوج بمرا.

قال ليه لاخور: علاش عمرك شفتي شي واحد مجوج براجل

قال ليه: اه

قال ليه لاخور: شكون؟

قال ليه: ختي.
نكت مغربية 1 Image399

واحد جاتو الفاكتورة ديال الما غالية بزاف
عيط للشركة ديال الما قال ليهوم: أهياوينا، ياكما الشتا هاد العام على حسابي؟
نكت مغربية 1 Image399

واحد المرا طلعات للطوبيس هازة ولدها الصغير

شاف الشيفور ف ولدها وقال ليها: هادا أخيب ولد شفتو ف حياتي

المرا طلعات للطوبيس غضبانة وبقى فيها الحال بزاف

جلسات حدا واحد الراجل وقالت ليه: هاداك الشيفور قلل من قيمتي

قال ليها الراجل: سيري ليه وطلبي منو يعتادر ليك، وأنا غادي نشد ليك القرد ديالك
نكت مغربية 1 Image399

هادو واحد الرباعة طالعين فطاكسي وما معاهم حتى ريال، اتفقوا يهربوا بالزربة مني يوقف الطاكسي.

فعلا، ملي وقفات الطوموبيل، حلوا البيبان دغية وبدوا يجريو ورجليهم تضرب ضهورهم.

دخلو لواحد العمارة، وطلعوا أول إطاج، تاني إطاج، تالت إطاج، حتى وصلوا للسطاح.

تخباو فالضلام وبقاو شي نص ساعة لا حس لا نفس.

شوية واحد فيهم نغز اللي حداه وقال ليه: ما عرفتش أشنو طرا بالشيفور!

قال ليه لاخور: راني أنا الشيفور، ها العار قولوا لي أشنو واقع.
نكت مغربية 1 Image399

واحد المكلخ مشى يشري صباط.

سولو مول المحل: شحال كتلبس ف رجليك؟

قال ليه المكلخ: جوج فردات.
نكت مغربية 1 Image399

واحد السيد صمك كان جالس حدا واحد الطيابة.

خلاها حتا ناضت باش تسخر، وهو يسرق ليها دجاجة، ودارها في قبو...

ملي رجعت الطيابة، قالت ليه : السلام عليكم

و هو يقول ليها : إينا دجاجة لهلا يطيح علينا شي باطل
نكت مغربية 1 Image399

هادا واحد عيطات ليه مرتو، قالت ليه: ألو

هو ما بغاش يهدر معاها دار راسو ما كيسمعهاش، وقال ليها: ألو؟

قالت ليه: ألو!

عاود قال ليها: ألو؟

قالت ليه: حلف بالله أنك ما كتسمعنيش

قال ليها: واحق الله

نكت مغربية 1 01324166509

شاكرة لك اخية هذا الطرح القيم
الذي يستحق التقييم الموضوع والعضوة
جزاك الله خيرا
وبارك الله فيك

موضوع مميز

لك ودي غاليتي

هههههههه

تسلم اليدي
شكرا لك

الله يعطيك الف عآإفيـه .. مشكوره مآقصرتي

» نكت مغربية 2
» رسالة خطيرة و مؤثرة إلى كل بنت مغربية حرة و عفيفة - الشيخ سار